Гвардиола фаолиятида ҳали бунақа шармандалик бўлмаган

Англия Премьер-лигасининг бешинчи турида “Манчестер Сити” сафарда “Арсенал” билан куч синашиб, 1:1 ҳисобида дуранг натижа билан қайтди.

Ушбу баҳсда “шаҳарликлар” устози Хосеп Гвардиола антирекорд қайд этгани маълум бзлди.

Статистика бўйича экспертларнинг маълум қилишича, Лондондаги баҳсда Гвардиола шогирдлари ўйин вақтининг 33 фоизидагина тўпга эгалик қилган. Бу испаниялик мутахассис жамоаларининг ички чемпионатдаги энг паст натижаси бўлиб чиқди.

Бунгача Гвардиола шогирдлари 600 та учрашувнинг бирортасида бу қадар паст кўрсаткич қайд этмаган эди.

Манчестерликлар энди навбатдаги учрашувни Англия лигаси кубоги мусобақаси доирасида “Хаддерсфилд”га қарши ўтказади. Ўйин 24 сентябрь куни бўлиб ўтади.