Гвардиола: "Грилиш кам ўйнаётганига сабаб — мен"

"Манчестер Сити" бош мураббийи Хосеп Гвардиола ҳужумчи Жек Грилишнинг ўйин амалиёти камайганига муносабат билдирди.

"Грилиш нега кам ўйнаяпти, деган саволга жавоб жуда оддий — бу менинг қарорим. У ажойиб футболчи, лекин жамоада рақобат катта. Ўтган мавсумда Жереми Доку кўплаб ўйинларда ажойиб ўйин намойиш этди, Савио эса бир мавсум ичида жуда катта ўсишга эришди" — деди Гвардиола "ESPN" нашрига.

Шу билан бирга, мураббий Грилишнинг салоҳиятига шубҳа қилмаслигини таъкидлади ва унинг ҳиссасисиз "шаҳарликлар' требл юта олмаслигини қайд этди.

2024/25 йилги мавсумда Жек Грилиш барча турнирларда 32 та учрашувда майдонга тушиб, 3 та гол ва 5 та ассист қайд этган.