Гвардиола “Манчестер Сити” бош мураббийлигини кимга топширишини айтди

“Манчестер Сити” билан деярли барча совринларни қўлга киритиб бўлган Хосеп Гвардиола ўзидан кейин жамоани ким бошқариши кераклигини айтиб ўтди.

Испаниялик мутахассис ўз шогирдларини “Брайтон”да самарали ишлаётган Роберто Де Дзербига топширишни режалаштиряпти.

Хосеп Гвардиола “шаҳарликлар” жамоасини 2016 йилдан бери муваффақиятли бошқариб келмоқда. Бунгача испаниялик мураббий “Барселона” ва  “Бавария” каби клубларда катта ютуқларни қўлга киритган.

Роберто де Дзерби “Брайтон”ни ўтган йили сентябрда қабул қилиб олган эди. Италиялик мутахассис бунгача ўз юртида ва Украинанинг “Шахтёр” жамоасида ишлаган.