Гвардиола "Манчестер Сити" ходимларини хурсанд қилди

Хосеп Гвардиола "Манчестер Сити" ходимларига пул совға қилди.

Асосий жамоа билан ишлайдиган ходимлар бош мураббийдан 10 минг фунтдан олишди, дея хабар бермоқда "The Times".

Гап 60-70 клуб ходимлари, жумладан ошпазлар, терапевтлар, баристалар ва қўриқчилар ҳақида кетмоқда.

Мутахассис аввалроқ бутун клубдаги ижобий муҳит жамоа муваффақиятида асосий омил бўлганини айтганди.

Мураббий жамоа бирлиги, ходимлар ва футболчилар ўртасидаги муносабатларни ривожлантиришга ҳаракат қилади.