Гвардиола қалтис саволга жавоб берди

Англиялик журналистлар “Манчестер Сити” бош мураббийи Хосеп Гвардиолани жамоа етакчиси ва янги сардори Бернарду Силванинг клубдаги келажаги ҳақида саволга тутди.

Маълумки, 31 ёшли футболчининг “шаҳарликлар” билан амалдаги шартномаси 30 июнь куни якунига етади. Сўнгги маълумотларга қараганда, Бернарду Силва муҳитни ўзгаришга қарор қилган ва жамоада қолмоқчи эмас.

Испаниялик мураббий португалиялик шогирди ҳақидаги саволга қуйидагича жавоб қайтарди.

-  Бернарду келажаги ҳақида менга ҳали ҳеч нарса дегани йўқ. Силва бизнинг сардоримиз, ҳаммамиз уни  яхши кўрамиз. Лекин у нима қилмоқчи эканини бизга айтмади, - деди Хосеп Гвардиола.

Бернарду Силва 2017 йилдан бери “Манчестер Сити” шарафини ҳимоя қилиб келмоқда. Португалиялик универсал футболчи жамоа билан клублар миқёсидаги деярли барча нуфузларни қўлга киритиб бўлган.

Силвага Европанинг бир неча гранд клублари ва Саудия Арабистонининг қатор бадавлат жамоалари даъвогарлик қилаётгани айтилмоқда.