"Ҳумо" финалга чиқди

Айни пайтда бутун дунёда спорт мусобақалари деярли тўхтатилган. Шу жумладан, Олий хоккей лигасининг плей-офф баҳслари ҳам онлайн форматда, ОХЛнинг "Instagram", "ВКонтакте", "Одноклассники" ва "Twitter" ижтимоий тармоғидаги расмий саҳифаси орқали мухлислар овоз бериши йўли билан якунига етказилиши ва ташкилот турнирни шу тизимда якунлаши ҳақида маълум қилган эдик.

Кеча онлайн мусобақанинг ярим финал баҳслари якунланди. Тошкентнинг "Ҳумо" жамоаси серияда Санкт-Петербургнинг "Динамо" клуби устидан 4:2 ҳисобида зафар қучиб, финал йўлланмасига эга чиқди.

"Қанотлилар"нинг ҳал қилувчи ўйиндаги рақиби Тюменнинг "Рубин" клуби бўлади.