Иккита гол урган Салоҳ “Ливерпуль”ни танқид қилди

Англия Премьер-лигасининг 28-турида мусобақа жадвалида пешқадамлик қилаётган “Ливерпуль” футболчилари аутсайдер “Саутгемптон” билан куч синашди.

“Энфилд”даги беллашувда ҳисобни “авлиёлар” очд. Кейин Дарвин Нуньес вазиятни тенглаштирган бўлса, Муҳаммад Салоҳнинг дубли 3:1 ҳисобидаги ғалабани таъминлади.

Учрашув қаҳрамони беллашувдан кейин жамоа ўйинини танқид қилди.

- Қийин ўйин бўлди, рақибнинг бу учрашувга махсус режаси бор экан. Баҳснинг биринчи ярмида уларнинг иши анча юришди. Мен иккинчи бўлимда вазиятни ўнглай олганимиздан хурсанд бўлдим.

Биринчи бўлимда биз жуда секин ҳаракат қилдик, эҳтиётсизлик қилдик ва охирида тўп ўтказиб юбордик. Бу ҳам бир тажриба бўлди.

Яхши ўйнадик, деёлмайман. Иккинчи бўлимда сал жонландик. Лекин умумий ҳисобда ёмон ҳаракат қилдик. Чемпионлар лигаси ёки Англия Премьер-лигасида ғалаба қозонмоқчи бўлсак, бундай қилмаслигинимиз керак, - деди Муҳаммад Салоҳ.