"Интер" Эриксенга 4 йиллик шартнома таклиф қилди

“Тоттенхэм” клуби хавбеки Кристиан Эриксен “Интер” билан оғзаки келишувга эришди. Бу ҳақда La Gazzetta dello Sport нашри хабар бермоқда.

Юқоридаги манбаага кўра даниялик футболчи “нерадзуррилар” билан 2024 йилга қадар шартнома имзолайди. Энди миланликлар ушбу трансфер масаласини “Тоттенхэм” билан келишиб олиши керак.

Ўз навбатида “шпорлар” 27 ёшли даниялик футболчини 20 млн еврога баҳолашмоқда. Бироқ, “Интер” ярим йилдан сўнг шартномаси тугайдиган футболчининг нархини пасайтирмоқчи.