"Интер" МЮ футболчиси билан шартнома имзолашга яқин турибди

"Манчестер Юнайтед" ҳимоячиси Эшли Янг "Интер"га ўтишга яқин турибди, дея хабар бермоқда Жанлука ди Марцио.

Ушбу трансфер бўйича нерадзуррилар ва манкунианликлар ўртасидаги музокара яқин вақтлар ичида якуний босқичига ўтади. Айни дамда миланликлар "қизил иблислар"дан сўнгги жавобни кутишмоқда.

Янг трансферига "Интер бош мураббийи Антонио Контенинг шахсан ўзи қизиқиш билдирмоқда. Италияликлар футболчига бир ярим йиллик шартнома таклиф қилишмоқчи.