"Интер" ва "Барса" музокаралари тўхтаб қолди

"Барселона" ва "Интер" форвард Лаутаро Мартинес трансфери бўйича музокараларни тўхтатди. Бу ҳақида Sky Sport Italia нашри хабар бермоқда.

Таъкидланишича, клублар ўртасидаги суҳбат кутилганидек давом этаётган эди, аммо кейинроқ каталонияликлар футболчининг нархини пасайтирилишини (Мартинес шартномасининг нархи 111 миллион еврони ташкил қилади) хоҳлаганидан сўнг музокаралар тўхтаб қолди.

Италия нашрлари хабарига кўра, "кўк-анор ранглилар" аргентиналик футболчининг трансфери ишини коронавирус пандемияси сабаб қайта кўриб чиқиши ҳам мумкин.