Иско: "Финаллардаги хатолар жуда қимматга тушади"

"Бетис" ярим ҳимоячиси Иско Конференциялар лигаси финалида "Челси"га қарши кечган учрашув ҳақида ўз фикрларини билдирди. Унинг таъкидлашича, жамоа биринчи таймда яхши ўйнаган, аммо иккинчи бўлимда рақиб тўлиқ устун келган.

"Жуда оғриқли. Биринчи таймда кўрганларимиздан сўнг бундай натижа жуда оғир кечди. Футбол хатоларни кечирмайди. Биринчи таймда яхши ўйнадик, лекин иккинчи бўлимда рақиб биздан анча устун бўлди. Биз ғалабага яқин эдик, лекин устунликдан фойдаланишни билмадик. Европа финалидаги хатолар жуда қимматга тушади. Жуда чуқур чекиндик. Мухлисларга раҳмат. Уларга бу чемпионликни ҳадя қила олмаганимиздан афсусдамиз. Ҳали курашни давом эттирамиз. Улар олдида қарздормиз" — дея таъриф бериб ўтди испаниялик футболчи.

Эслатиб ўтамиз, Конференциялар лигаси финалида "Бетис" Лондоннинг "Челси" клубига 1:4 ҳисобида мағлуб бўлди.