Жака "Рома"га ўтмайди!

Лондоннинг "Арсенал" клуби Швейцария терма жамоаси сардори Гранит Жака билан шартномани узайтиради.

Журналист Фабрицио Романонинг хабар беришича, Жака ва “Арсенал” ўртасидаги янги келишув 2025 йилга қадар тузилади ва у тез орада имзоланиши кутилмоқда. Томонлар музокараларнинг сўнгги босқичида экани айтилмоқда.

Бундан аввалроқ Гранит шу ёз "Рома"га ўтиши мумкинлиги ҳақида хабарлар тарқалган эди.

Жака ўтган мавсум премьер-лигада 31 та учрашувда майдонга тушди ва ўз ҳисобига 1 та гол ҳамда 2 та голли узатма ёздириб қўйди. Унинг “Арсенал” билан амалдаги шартномаси 2023 йилга қадар имзоланган.