Жалолиддин Юсупов: "SPORTS.uz Cup" старти олдидан жамоамизда кучли иштиёқ бор"

Хабарингиз бор, 17-18 ноябрь кунлари SPORTS.uz сайти томонидан спортга ихтисослашган ОАВ вакиллари ўртасида футзал бўйича “SPORTS.uz Cup” мусобақаси ўтказилади.

Бугун қуръа ташлаш маросими бўлиб ўтди. Жараён сўнгида жамоа етакчиларининг фикрлари билан қизиқдик.

"Авваломбор, ассалому алайкум! Шундай турнир ташкил қилгани учун SPORTS.uz сайтига миннатдорчилик билдирамиз. Анча бўлганди бундай мусобақа ўтказмаганимизга. 

Ўтган  сафарги турнирда финалга етиб бориб, пенальтиларда ютқазиб қўйгандик. Жамоамизда кучли иштиёқ бор. Бу сафар финалга чиқиб, чемпион бўлиш ниятидамиз. 

Гуруҳда ким плей-оффга чиқиши эртага майдонда ҳал бўлади. Жамоаларнинг барчасига омад. SPORTS.uz га раҳмат!".

Жалолиддин Юсупов, MY5 телеканали журналисти.