Карим ёзда "Боруссия" Дортмундга ўтади

"РБ Зальцбург"нинг германиялик ҳужумчиси Карим Адейеми яқинлашиб келаётган ёзги трансферлар даврида Дортмунднинг "Боруссия"сига кўчиб ўтади, деб хабар бермоқда Sky Sport.

Манба берган хабарга кўра, томонлар 30 миллион евро эвазига трансфер бўйича келишувга эришган. Дортмундликлар яна 6 миллиони Австрия клубига яқин 4 йилда бонус сифатида тўлаши мумкин.

Қайд этилишича, “Боруссия” Адейеми билан 2027 йилнинг ёзига қадар тузилган шартнома имзолайди. Ҳужумчи бир мавсумда 6,5 миллион евро маош олади.

Маълумот учун, Адейеми жорий мавсум Австрия Бундеслигасида 25 та ўйинда майдонга тушиб, 16 та гол урди.