Кьеллини яна жароҳат олди

"Ювентус" ҳимоячиси Жоржо Кьеллини Чемпионлар лигаси 1/8 финал босқичининг "Порту"га (2:1) қарши бўлиб ўтган дастлабки баҳсида жароҳат олди.

Тиббий хулосаларга кўра, 36 ёшли футболчининг сон мушаклари шикастланган. У ўйиннинг 34-дақиқасида захирага олинди ва унинг ўрнига учрашувни Мерих Демирал давом эттирди.

Кьеллини жорий мавсум “Ювентус” сафида жами 15 та ўйинда майдонга тушди ва 1 та голли узатмага муаллифлик қилди.