Кейн Сон Хён Минни "Тоттенхэм"дан кетиши ҳақида гапирди

Мюнхеннинг "Бавария" клуби ҳужумчиси Харри Кейн кореялик вингер Сон Хён Миннинг АҚШнинг "Лос-Анжелес" клубига ўтиши борасида фикр билдирди. Аввалроқ, Сон ва Кейн Лондоннинг "Тоттенхэм" клубида бирга ўйнаган.

- Сонни, Сонни, Сонни. Нима ҳам дердим. Бу йиллар давомида биз майдонда ва унинг ташқарисида жуда кўп ажойиб даврларни бирга бошдан кечирдик. Шахс ва ўйинчи сифатида сен эришган муваффақиятга лойиқсан. Сен футболдаги энг яхшилардан бирисан.

Ўтган мавсумда совринни қўлга киритганингни кўриш менга жуда ёқди ва кейинги фаолиятинг муваффақиятли бўлишига шубҳа қилмайман. Тез орада кўришамиз", - деб ёзди Кейн ижтимоий тармоқда.