Килиан Мбаппе "Реал" билан ПСЖ ўртасидаги асосий фарқни айтди

"Реал Мадрид" ҳужумчиси Килиан Мбаппе ҳозирги жамоаси билан собиқ клуби ПСЖ ўртасидаги фарқ ҳақида фикр билдирди.

"Бу икки мутлақо бошқача тарихга эга клуб. ПСЖ анча ёш, “Реал” эса узоқ тарих ва бой меросга эга. Маданият ҳам бутунлай бошқача. Шубҳасиз, қироллик клуби дунёдаги энг яхши жамоа, аммо парижликлар ҳам энг кучлилар қаторида. Бу — футболни тушунишнинг икки хил йўли. Мен эса ҳар икки клубнинг бир қисми бўлганимдан фахрланаман", — деди Мбаппе.

Эслатиб ўтамиз, 26 ёшли футболчи 2024 йил ёзида "қаймоқранглилар" аъзосига айланган эди. Франциялик форвард 2024/25 йилги мавсум якунида "Олтин бутса" совринини қўлга киритди.