Клопп Саудия клубларининг трансферидан ФИФА ва УЕФАни огоҳлантирди

“Ливерпуль” бош мураббийи Юрген Клопп Саудия Арабистони клубларининг трансферига муносабат билдирди.

“Саудия Арабистони жамоаларининг таъсири катта. Менимча, бундай вазиятда энг ёмони, уларнинг трансфер ойнаси Европаникидан уч ҳафта кейин ёпилади. Мен шунга ўхшаш нарсани эшитдим ва агар мен ҳақ бўлсам, бунинг Европага фойдаси йўқ.

УЕФА ёки ФИФА бунга ечим топиши керак. Аммо ҳозир мен бундан кейин нима бўлишини билмайман”, - деди германиялик мутахассис.

Маълумот учун, Европанинг топ-лигаларида трансфер ойнаси 1 сентябрь куни ёпилади. Саудия Арабистонида эса клублар трансферларни 20 сентябргача амалга ошириши мумкин.