"Комо" юлдузи "Реал"га қайтиш ҳақидаги миш-мишларга жавоб берди

"Комо" ярим ҳимоячиси Нико Пас "Реал"га қайтиш ҳақидаги миш-мишларга изоҳ берди. 

"Реал"га қайтиш ҳақида ўйлаяпсизми?

"Ҳозирда бу ҳақида ўйламаяпман. Мавсумни иложи борича яхшироқ ўтказмоқчиман, кейинроқ яна ўйлаб кўраман. Фабрегас ажойиб мураббий. Фаолиятимни энг муҳим онларини шундай мутахассис қўл остида ўтказаётганимдан хурсандман",- деди аргентиналик футболчи.

Маълумот учун, 21 ёшли футболчи жорий мавсум Италия клуби сафида 16 та учрашувда майдонга тушиб, 5 та гол киритди ва 5 та голли узатма амалга оширди.