Курашчиларимиз делегациямиз ҳисобига яна 3 та медални қўшиб қўйди

Саудия Арабистони пойтахти Ар-Риёд шаҳрида VI Ислом бирдамлиги ўйинлари давом этмоқда.

Эркин кураш бўйича Ўзбекистон терма жамоаси аъзоси, -57 кг вазн тоифасидаги полвонимиз Ғуломжон Абдуллаев учинчи ўрин учун баҳсда гвинеялик рақибидан устун келди.

Шунингдек, аёллар кураши баҳсларида  ҳам навбатдаги медал қўлга киритилди. -62 кг вазн тоифасида иштирок этган Нигина Собирова учинчи ўрин учун баҳсда фаластинлик спортчини енгиб, бронза медалига сазовор бўлди.

Яна бир маҳоратли курашчимиз Светлана Оқназарова -68 кг вазн тоифасининг финалида Қирғиз Республикаси вакили, икки карра Олимпиада совриндори Меерим Жуманазаровага имкониятни бой берди ва кумуш медал билан чекланди.

Бу ҳақда Ўзбекистон Республикаси Спорт вазирлиги хабар бермоқда.