"Лестер" Англия футболида тарихий антирекорд ўрнатди

"Лестер" Англия Премьер-лигасидаги навбатдаги ўйинда йирик мағлубиятга учради (0:3).

Бу сафар “тулкилар” “Ньюкасл”га қарши майдонга тушиб, учта голни илк бўлимдаёқ ўз дарвозасидан ўтказиб юборди. "Squawka"нинг қайд этишича, "Лестер" Англия футболи тарихида чемпионат доирасидаги кетма-кет 8 та уй учрашувида гол ура олмасдан мағлуб бўлган илк жамоага айланди. Қизиғи шундаки, ҳар бир мағлубият камида икки тўп фарқи билан якунланган.

Руд ван Нистелрой бошчилигидаги жамоа ҳозирда Премьер-лига турнир жадвалининг 19-ўрнида жойлашган. 31 турдан сўнг атиги 17 очко тўплаган "Лестер" 17-ўриндан 15 очкога ортда қолмоқда.