Левандовски, бизга кел, хафа қилмаймиз!

“Барселона”нинг 37 ёшли ҳужумчиси Роберт Левандовски фаолиятини қаерда давом эттириш бўйича муҳим қарор қабул келиши керак. Каталонияликлар польшалик форвардга янги битим таклиф қилмайдиган бўлди.

Ўйинчининг шартномаси 30 июнда тугашини инобатга олиб, январь ойида ҳар қандай клуб Левандовски билан ҳамкорлик бўйича музокара ўтказиши мумкин.

Fanatik нашрининг ёзишича, Туркиянинг “Галатасарой” клуби Робертга жиддий қизиқиш билдирмоқда. Турклар Левандовскига яхши маош кўрсатилган битим беришга тайёр.

Роберт Левандовскига Саудия Арабистони клубларидан ҳам чорлов бўляпти. Европа манбаларининг ёзишича, машҳур тўпурар Осиё қитъасига кўчиб ўтиш вариантини маъқуллагани йўқ.

Роберт Левандовски “Барселона”га келгунга қадар Германия Бундеслигасида Дортмунднинг “Боруссия” ҳамда Мюнхеннинг “Бавария” клублари шарафини ҳимоя қилган.