"Лион" футболчиси "Ренн"га кўчиб ўтди

“Лион” клуби ярим ҳимоячиси Мартин Терье фаолиятини Франциянинг бошқа бир клубида давом эттиради. 23 ёшли футболчининг янги иш жойи “Ренн” жамоаси бўлади. Бу ҳақда клуб матбуот хизмати хабар тарқатмоқда.

Юқоридаги манбага кўра, томонлар ўзаро 2025 йилга қадар тузилган шартномага имзо чекишган.

Терье муддатидан аввал якунланган Франция чемпионатида 23 та ўйинда майдонга тушди ва 1 та гол ҳамда 2 та голли узатмага муаллифлик қилди.