"Ливерпуль" 19 ёшли ҳужумчи топди

"Ливерпуль" клуби "Лейпциг" сафида ҳаракат қилиб келаётган 19 ёшли ҳужумчи Ян Дьоманде билан шартнома тузишни режалаштирмоқда. 

"ТЕАМtalk" нашри хабар беришича, мерсисайдликлар Янни анчадан бери кузатиб келмоқда. Форвардга хизматларига ундан ташқари "Манчестер Сити", "Манчестер Юнайтед", "Арсенал", "Ньюкасл", "Челси", ва "Тоттенхэм" жамоалари ҳам қизиқиш билдирмоқда. Бироқ айнан "Ливерпуль" футболчини сотиб олишда асосий номзод ҳисобланмоқда. Немис клуби форвардни қўлдан чиқариш ниятида эмас, аммо унинг шартномасида футболчи учун 100 миллион евролик товон пули тўлаш кераклиги ҳақида банд бор.

19 ёшли ҳужумчининг ҳозирда трансфер бозорида нархи 20 миллион еврога баҳоланмоқда. Унинг "Лейпциг" билан амалдаги шартномаси 2030 йилнинг ёзигача мўлжалланган. 

Эслатиб ўтамиз, кот-д'ивуарлик ҳужумчи жорий мавсум немис клуби сафида 14 та учрашувда майдонга тушиб, 4 та гол киритган ва 4 та голли узатмани амалга оширган.