“Ливерпуль” бир юлдузни сотиб, икки топ-футболчини олади

“Ливерпуль”нинг  спорт бўлими чемпионлик мавсумидан кейин ёзги трансферлар ойнаси даврида рекорд даражада харажат қилиб, жамоага қимматбаҳо янги ижрочиларни олиб келган эди.

Бироқ, бугунга келиб инқироз кўчасига кириб қолган “Ливерпуль” жамоани шакллантиришни тўлиқ якунлай олмагани ва қишда яна трансфер бозорига кириши ойдинлашди.

Indykaila news нашри маълумотларига кўра, келаётган қишда мерсисайдликлар икки юқори даражали ярим ҳимоячини сотиб олишни режалаштирмоқда. Бу режани амалга ошириш учун клуб мутасаддилари таркибда айрим ўзгаришлар қилишга тайёр.

Хусусан, январь ойида “Ливерпуль” етакчи ўйинчиларидан Алексис Макаллистерни аргентиналик юлдузга жиддий қизиқиш билдираётган “Реал”га таклиф қилади. Мадрид клуб қимматбаҳо ўйинчи учун тўлайдиган маблағ, иккита топ-футболчини олишга йўналтирилади.

Айни пайтда “Ливерпуль” скаутлари бош мураббий Арне Слот қўллаётган ўйин схемаларига мос келадиган ярим ҳимоячиларни топиш билан банд.