“Ливерпуль” Ла Лигадан бир уринишда учта юлдузни олиб кетади

“Ливерпуль” ҳам ҳар қандай гранд клуб сингари ёзда таркибини сезиларли даражада кучайтиришга уринади.

Арне Слот жамоани қабул қилиб олганидан кейин асосий эътиборини бор футболчилардан кучли жамоа тузишга қаратди ва мақсадига етди. Энди ўзининг кўнгли тўлмаётган позицияларга янги ижрочиларни олмоқчи.

Бундан ташқари, мавсум охирида Муҳаммад Салоҳ, Виржил ван Дейк ва Луис Диас сингари етакчи ўйинчилар клубни тарк этиши мумкин.

Арне Слот ҳужум, ярим ҳимоя ва ҳимояга ўзига ёққан ва Испанияда ўйнаётган уч нафар футболчини мўлжаллаб қўйди.

Такефуса Кубо:

“Реал Сосьедад”да ўйнаётган япониялик футболчи Англия Премьер-лигасига кўчиб ўтиш имконига эга. Арне Слот бу футболчи Муҳаммад Салоҳнинг ўрнини боса олишига ишонмоқда. Кубо креатив ва тезкор ўйинчи сифатида қадрланади.

Ойхан Сансет:

“Атлетик” ҳужумкор футболчиси Ойхан Сансет номзоди ҳам “Ливерпуль”ни кучайтириши мумкин. Бу ўйинчи ўзининг жисмоний кўрсаткичларига таянган ҳолда рақиб жарима майдончасига ёриб киришни зўр уддалайди.

Кристиан Москера:

“Валенсия” ўзининг истеъдодли ёш марказий ҳимоячиси Москерани ушлаб қолиши жуда қийин бўлади. Бу ҳимоячига Европанинг бир неча клублари даъвогарлик қилмоқда. Мосера ҳимояда ишончли ўйнаш билан бирга тўп узатиш ва ҳужум бошлаш хусусиятлари билан ажралиб туради.