"Ливерпуль" Трент ўрнига кимни олиб келиши маълум бўлди

Леверкузеннинг “Байер” клуби ҳимоячиси Жереми Фримпонг фаолиятини АПЛнинг гранд клубида давом эттириши мумкин. Mirror Football нашрининг ёзишича, нидерландиялик футболчини ўз сафига "Ливерпуль" қўшиб олмоқчи.

Маълумотларга кўра, мерсисайдликлар раҳбарияти Фримпонгни харид қилиш учун 40 миллион евро ажратишга тайёр. Ҳимоячининг “Байер” билан тузган шартномаси 2028 йил июн ойининг охиригача амал қилади. У немис клубига 2021-йил январида келиб қўшилган.

Жорий Германия чемпионати мавсумида Фримпонг 33 та ўйинда майдонга тушиб, 5 та гол ва 5 та голли узатмага муаллифлик қилган.

Эслатиб ўтамиз, "Ливерпуль"нинг асосий ўнг қанот ҳимоячиси ҳисобланган Трент Александр-Арнольд ёзда жамоани эркин агент сифатида тарк этишини маълум қилган эди.