"Манчестер Сити" футболчиси келаси мавсум қаерда ҳаракат қилиши бўйича қарор қабул қилди

"Манчестер Сити" жамоасининг ҳужумкор ярим ҳимоячиси Бернарду Силва келаси мавсум ҳам клубда қолишини маълум қилди. Унинг клуб билан амалдаги шартномаси 2026 йил ёзида ниҳоясига етади.

"Янги мавсумда мен аниқ "Манчестер Сити"да бўламан. Қоламан. Илгаригидек бу йил ҳам бир неча вариантлар бор эди, аммо менинг танловим — "Сити"да қолиш" — дея иқтибос келтиради футболчининг сўзларини журналист Бен Жейкобс.

Бернарду Силва 2017 йилдан буён "Сити" шарафини ҳимоя қилмоқда. Жорий мавсумда у 49 ўйинда 5 та гол ва 4 та голли узатма қайд этди.

Шу билан бирга, мавсум якунлангандан сўнг футболчига Саудия клубларидан яхши ойлик маош эвазига таклифлар келиб тушган эди.