"Манчестер Сити" футболчисига Туркиядан расмий таклиф бор

"Манчестер Сити" дарвозабони Эдерсон Мораес фаолиятини Туркия чемпионатида давом эттириши мумкин.

Инсайдер Фабрицио Романонинг хабар беришича, "Галатасарaй" бразилиялик посбон учун "Сити"га 10 миллион евролик таклиф жўнатган. Бироқ, "шаҳарликлар" бу трансфердан кўпроқ пул ишлаб олишни мақсад қилган. Агар Эдерсон жамоани тарк этса, клуб унинг ўрнига ПСЖ дарвазобони Доннаруммани ўз сафига қўшиб олади. Шунингдек, "Вулверхэмптон"га қарши учрашувдан олдин ташкил этилган матбуот анжуманида Гвардиола жамоанинг асосий дарвазобони деб - Эдерсонни эътироф этган эди.

Маълумот учун, ҳозирда 31 ёшли дарвозабонинг Transfermarkt порталидаги нархи 20 миллион евро этиб белгиланган.