Манчестер суперклуби – истеъдодлар қабристони!

Англия футболи тарихидаги энг ёрқин ўйинчилардан бири Майкл Оуэн кейинги йилларда инқироздан чиқолмаётган “Манчестер Юнайтед”ни кескин танқид қилди.

Унинг таъкидлашича, клуб раҳбарияти доим айбдорларни қидириш билан овора, лекин жамоада бирор ижобий ўзгариш рўй бераётгани йўқ.

-  Сэр Алекс Фергюсон кетганидан кейин “Манчестер Юнайтед” хўжайинлари кўп маротаба бош мураббийни ўзгартирди. Кейинлар жамоани айблай бошлашди. Миллиардлаб маблағ сарфлаб, жаҳоннинг энг зўр ўйинчиларини олиб келишди.  

Аммо охирги ўн йилликда клубда истеъдодли футболчилар қабристонига айланиб қолди, - деди Майкл Оуэн.

Эслатиб ўтамиз, Майкл Оуэн футболчилик фаолияти давомида “Ливерпуль”, “Реал Мадрид”, “Ньюкасл Юнайтед”, “Сток Сити” қаторида “Манчестер Юнайтед”да ҳам тўп тепган.