Марказий ҳимоячи Серхио Рамос мексикаликларга гол уришни ўргатяпти

Европа футболида ўз номига эга бўлган Серхио Рамос ўтган йили ёзда Испаниянинг “Севилья” жамоасини тарк этганидан кейин анча вақт ишсиз юрди.

Яқиндагина яъни февраль ойида   тажрибали марказий ҳимоячи Мексикага йўл олиб, “Монтеррей” клуби билан шартнома имзолаган эди.

Мексика майдонларидан тўп тепиш 39 ёшли футболчига маъқул келган кўринади. Рамос марказий ҳимоячи бўлишига қарамай, жамоаси ҳужумларида фаол иштирок этмоқда.

“Монтеррей”нинг навбатдаги учрашувида испан футболчиси “Тигрес” жамоаси дарвозасини 11 метрлик нуқтадан ишғол қилди.

Ҳозиргача “Монтеррей” сафида еттита баҳсда майдонга тушган Серхио Рамос голлар ҳисобини тўрттага етказиб олди.

Серхио Рамос узоқ йиллик фаолияти давомида икки маротаба “Севилья”, шунингдек, “Реал” ва “Пари Сен-Жермен” клублари шарафини ҳам ҳимоя қилган.