Машарипов тўлиқ ҳаракат қилган ўйинда "Шабаб Ал-Аҳли" "Ал-Ҳилол"ни енгди ва...

Осиё Чемпионлар Лигаси гуруҳ босқичининг 6-турида Жалолиддин Машарипов, Азиз Ғаниев ва Одил Ҳамробеков ҳаракат қиладиган "Шабаб Ал-Аҳли" клуби "Ал-Ҳилол" билан баҳс олиб борди. Ўйин дубайликларнинг 2:0 ҳисобидаги ғалабаси билан якунланди. 

Голларнинг иккисига ҳам Игорь да Круз муаллифлик қилди ва икки гол ҳам иккинчи бўлимда киритилди. 

Жалолиддин Машарипов ушбу беллашувни тўлиқ майдонда ўтказди. 

Ғалабадан сўнг, БАА клуби очколари сонини 7 тага етказиб олди. Аммо уларнинг гуруҳда қолиб кетиши аввалроқ маълум бўлиб улгурганди.