Мбаппе: “Олтин тўп”ни уйига ўзим олиб бориб бераман!

Франция терма жамоаси ва “Реал” ҳужумчиси Килиан Мбаппе 2025 йилги “Олтин тўп” совринига қайси футболчи лойиқ экани ҳақида фикр билдирди.

- “Олтин тўп” совринига Усмон Дембеле муносиб. Агар ҳамма нарса менга боғлиқ бўлганида, бу совринни унинг уйига шахсан ўзим олиб бориб берардим.

Умид қиламанки, Ашрай Ҳакими ҳам юқори баҳоланади. У тарихий мавсумни ўтказди.

Ламин Ямал ҳақида нима дейиш мумкин? У жуда яхши футболчи, лекин мен у ҳақида бирор фикр билдира олмайман, чунки Ламин “Барселона” аъзоси, - деди Килиан Мбаппе.

Усмон Дембеле ўтган мавсум ПСЖ сафида барча турнирларда 53 та ўйин ўтказиб, ўз ҳисобига 35 та гол ва 16 та ассист ёздириб қўйди. Унинг самарали ўйини парижликларга Франция чемпионати, мамлакат кубоги ва Суперкубоги, тарихда илк бор Европа Чемпионлар лигаси бош совринини келтирди.