Мбаппе “Реал”га қайси ўйинчини олишни айтди

“Реал” етакчисига айланиб бораётган Килиан Мбаппе клуб раҳбариятига ўзи яхши билан яна бир франциялик футболчини трансфер қилишни маслаҳат берди.

Килиан ҳозир “Арсенал”да ўйнаётган Вильям Салиба жамоада ўйнашини истаяпти.

Defensa Central нашрининг ёзишича, Мбаппе “канонирлар” марказий ҳимоячиси ёзги трансферлар вақтида жамоага қўшилиши кераклигини таъкидлаяпти.

Вильям Салиба Европанинг энг кучли марказий ҳимоячиси ҳисобланади. 23 ёшли футболчи 80 миллион еврога баҳоланмоқда.

“Арсенал” ўз ҳимоя чизиғи етакчисини осонликча қўйиб юбормайди. Лондонликлар франциялик футболчи билан 2027 йилнинг ярмигача тузилган шартномани янада узоқ муддатга узайтиришга ҳаракат қиляпти.