Мбаппе Роналду номини “Реал” тарихидан ўчира бошлади

Испания чемпионатнинг  ўн биринчи турида мусобақа пешқадами “Реал” Мадридда “Валенсия” футболчиларини қабул қилиб, рақиб дарвозасига жавобсиз тўртта тўп киритди. 

Шу голлардан иккитаси Килиан Мбаппе ҳисобига ёзилди. Франциялик футболчи 19-дақиқада пенальтидан ҳисобни очди ва биринчи бўлимнинг ўзида иккинчи тўпини киритди.

43-дақиқада Мбаппе хет-трик қайд этиши мумкин эди. Бироқ  жамоа етакчиси иккинчи пенальти тепиш имкониятини Винисиус Жуниорга қолдирди. Бразилиялик юлдуз бундан унумли фойдалана олмади.

Мбаппега иккита гол клуб афсонаси Криштиану Роналдунинг рекордини йўққа чиқариш учун кифоя қилди. Португалиялик юлдуз “Реал”да ўйнаган даврида дастлабки 45 та ўйинда рақиблар дарвозасига 43 та тўп киритган эди.

Килианнинг эса, 45 та ўйинда урган голлари сонини 44 тага етказиб олди.

Мбаппе 2024 йилнинг ёзида ПСЖдан “Реал”га кўчиб ўтган эди. 26 ёшли футболчи дебют мавсумидаёқ 31 та гол билан Ла Лига тўпурари бўлди.