Мбаппега 200 миллион тўлашга тайёр яна бир жамоа маълум

"Ливерпуль" ПСЖ ҳужумчиси Килиан Мбаппе учун курашмоқчи.

Журналист Эду Агирре Мбаппе ва ПСЖга яқин манбаларга таяниб, сўнгги соатларда ПСЖ Мбаппе учун "Ливерпул"дан 200 миллион евролик трансфер таклифи олганини айтди.

Инглиз клуби музокараларда жадаллик билан ҳаракат қилмоқда. Таклиф ПСЖда аллақачон муҳокама қилинган.

Олдинроқ "Реал" Мбаппе учун 200 миллион евро тўлашга тайёрлиги ҳақида хабарлар тарқалган эди.

ПСЖ президенти Носир Ал-Хелайфи кеча Килиан клубни текинга тарк этмаслигини айтди: "У ё шартномасини узайтиради ёки шу ёзда кетади".