Мбаппени оламиз!

“Челси” хўжайини Тодд Бёли ўз жамоасига жаҳон даражасидаги юлдузларни олиб келиш учун ҳеч қандай харажатдан қочмаслигини маълум қилган.

Шу боис, “аристократлар” Килиан Мбаппе учун курашишга тайёр. Агар ПСЖ қимматбаҳо футболчисини сотишга қарор қилса, лондонликлар ўз таклифи билан парижликларга мурожаат қилади.

Килиан Мбаппенинг ўзи ҳам ПСЖда узоқ қолиб кетмоқчи эмас. Яқинда 24 ёшли ҳужумчи “Челси”ни ҳам ўзи бориши мумкин бўлган жамоалар қаторига қўшди. Килианнинг асосий танлови “Реал” бўлиб турибди. Мадридликлар билан келишув ўхшамай қолса, “Челси”га ўтишга тайёр.

Агар “Челси” Килианни трансфер қиладиган бўлса, 150 миллион фунт атрофида сармоя талаб этилади. Бундан ташқари, футболчининг ўзига ҳар мавсум учун 60 миллион евродан кам бўлмаган маош берилиши керак. “Челси” бу чиқимларга тайёр экани айтилмоқда.