Мени ҳеч қачон "Реал"да кўрмайсиз!

Каталониянинг "Барселона" жамоаси ҳужумчиси Ламин Ямал келажакда Мадриднинг "Реал" клубига ўтиш эҳтимоли ҳақида фикр билдирди.

- "Реал Мадрид"га ўтиш? Асло йўқ. Бундай бўлиши мумкин эмас, - деди ёш ҳужумчи.

Эслатиб ўтамиз, 17 ёшли футболчи "Барселона" тарбияланувчисидир. У шу ёшида барча мусобақаларда асосий жамоа учун 83 та ўйин ўтказиб, 18 та гол урган ва 22 та голли узатмани амалга оширган.

Ямалнинг "кўк-анорранглилар" билан амалдаги шартномаси 2026 йилнинг ёзига қадар мўлжалланган. Transfermarkt портали ҳужумчини 180 миллион еврога баҳоламоқда.