Месси Барселонага ташриф буюрди!

Аргентиналик юлдуз Лионель Месси кеча “Ноу Камп” стадионига яширин тарзда ташриф буюрди ва бу ҳақда ўз ижтимоий тармоғида маълум қилди.

“Кеча мен жуда соғинган жойимга қайтдим. "Ноу Камп"дa мен энг бахтли одам эдим. У жой менга минг марта дунёдаги энг бахтли инсон эканимни ҳис қилдирган. Умид қиламанки, бир кун қайтаман — фақат футболчи сифатида хайрлашиш учун эмас, чунки буни илгари ҳеч қачон амалга ошира олмаган эдим",— деб ёзди футболчи.

Эслатиб ўтамиз, ҳозирда Месси МЛСнинг “Интер Майами” жамоаси шарафини ҳимоя қилмоқда.