Мессига Ямални таққосламанг, ундан зўри бор!

“Барселона”нинг собиқ сардори Карлес Пуйоль каталонияликларнинг ёш футболчилари Ламин Ямаль ва Пау Кубарси ҳақида фикр билдирди.

- Ямал шундоқ ҳам максимал даражада босим остида қолиб кетди. Шу боис, унга Лео Месси билан солиштирилган ёрлиқни ёпиштирмайлик. Месси қилган ва ҳозир қилаётган ишлар ақлбовар қилмас нарсалардир. Бошқа бунақа ўйинчини кўрмасак керак.

Кубарси ҳақида нима дейиш мумкин? У серқирра ўйинчи, тўп билан мукаммал ишлайди. Бу борада у мендан кўра кўпроқ Жерар Пикега ўхшайди.

Пау жуда ақлли ҳимояланади, курашишни хуш кўради ва доим диққатини ўз ишига жамлай олади. Бу ёшда хотиржамликни сақлаб ўйнаш жуда мушкул, - деди Пуйоль.