"Металлург" Про-лига аутсайдер жамоасини мағлуб этди

Назорат учрашуви доирасидаги "Металлург" - "Зомин" учрашуви бўлиб ўтди. Унда бекободликлар ишончли 2:0 ҳисобида рақибдан устун келди.

Суперлига жамоаси сафида голларга Анвар Ғофуров ва Жасур Холтўраев муаллифлик қилди. Жиззах клубига бу баҳсда гол уриш насиб этмади.

Бу "Металлург" учун йиғин доирасидаги сўнгги назорат ўйини эди. Энди жамоа қисқа муддатли таътилга чиқди.