"Милан" икки футболчиси билан хайрлашишга тайёр

Рафаэль Леау ва Тео Эрнандес ёзда "Милан"ни тарк этиши мумкин. Бу ҳақда "Football Italia" нашри хабар бермоқда.

Манбанинг маълум қилишича, клуб ҳимоячи Тео Эрнандес билан шартномани узайтириш ниятида эмас ва ёзги трансфер ойнасида футболчини сотишга уриниб кўради.

Бироқ, Леау билан хайрлашиш мураккаброқ кечади. Сабаби, ҳозирча "Милан"га унинг трансфери бўйича аниқ таклифлар келиб тушмаган.

Таъкидланишича, футболчининг хизматларига қизиқиш билдираётган ягона жамоа Саудия Арабистонининг "Ан-Наср" клуби бўлади.

Маълумот учун, Леаунинг Милан клуби билан амалдаги шартномаси 2028 йилнинг ярмига қадар мўлжалланган. Франциялик ҳимоячининг клуб билан тузилган амалдаги шартномаси эса 2026 йилнинг ўртасига қадар амал қилади.