"Милан" "Локомотив" футболчисига қизиқмоқда

Россиялик журналист Нобель Арустамяннинг сўзларига кўра, "Милан" ҳали ҳам "Локомотив" хавбеки Алексей Миранчукни сотиб олиш фикридан қайтгани йўқ.

“Милан” қишда Миранчукнинг трансфери бўйича таклиф юборган. Бу пулли таклиф эди. “Милан” ҳозир ҳам футболчига нисбатан қизиқишини йўқотмаган”, - дейди журналист.

Қишда “россонерилар” таклиф қилган маблағ москваликларга маъқул келмагани боис Миранчук масаласидаги таклиф рад этилган. Айтиш керакки, “темирйўлчилар” уни 18 млн еврога баҳолашмоқда.