"Милан" Швецариялик футболчи билан шартнома имзолади

Италиянинг "Милан" клуби Швецария терма  жамоаси ва "Янг Бойз" клуби ҳимоячиси Закари Атекамени сотиб олганини эълон қилди.

Клуб матбуот ҳизмати маълум қилишича, "россонерилар" 20 ёшли футболчи билан 2030 йилгача мўлжалланган шарнома имзолаган. Футболчи миланликлар сафида 24-рақам остида харакат қилади. Атекаме ўтган мавсумда "Янг Бойс" сафида ҳаракат қилган ва 43 та ўйинда майдонга тушиб, битта голни ўз ҳисобига ёздириб қўйган. Швецария ёшлар терма жамоасида эса 10 та ўйинда майдонга тушган.

Эслатиб ўтамиз, "Милан" А Сериянинг ўтган мавсумини 8-ўринда якунлаб еврокубоклар йўлламасини қўлга кирита олмаган эди. "Россонерилар" янги мавсумдаги илк ўйинини "Кромонезе"га қарши ўтказади.