ММА бўйича Ўзбекистон чемпионатида андижонлик ёшлар тенгсиз бўлишди!

Тошкент шаҳридаги "Универсал" спорт мажмуасида 12 ёшдан 17 ёшгача бўлган болалар ва ўсмирлар ўртасида аралаш жанг санъатлари бўйича Ўзбекистон чемпионати бўлиб ўтди.

Ушбу мамлакат чемпионатида Андижон жамоаси ажойиб тарзда иштирок этди ва умумжамоа ҳисобида 1-ўринни қўлга киритди.

Улар 8 та олтин, 8 та кумуш ва 14 та бронза медалини қўлга киритган ҳолда, мусобақани юқори шохсупасидан ўрин олишди.