Моуриньо “Реал” ҳужумчисини олишга кўнмади

“Реал” раҳбарияти доминиканлик ҳужумчи Мариано Диас билан янги битим тузмади ва футболчи пойтахтни тарк этадиган бўлди.

Ҳозир Диаснинг агентлари унга янги жамоа қидирмоқда.

“Рома” ҳужумчиси Тэмми Абрахамнинг узоқ муддатга сафдан чиққанини инобатга олган агентлар Мариано Диаснинг хизматларини римликларга таклиф қилди.

Il Messaggero нашрининг маълум қилишича, “Рома” бу таклифни қабул қилмаган. Жозе Моуриньо Тэмми Абрахам ўрнига “Атлетико”да ўйнаётган Альваро Моратанинг келишини истаяпти.