Моуриньо зўр ҳужумчи топди

Жозе Моуриньо жамоа ҳужумчини кучайтириш мақсадида анчадан буён форвард қидираётган эди.

Ниҳоят, “Тоттенхэм” бош мураббийига “Борнмут” таркибида ўйнаган Жошуа Кинг номзод маъқул келди.

 Лондонликлар “Борнмут” премьер-лигадан тушиб кетганини инобатга олиб, 28 ёшли норвегиялик ҳужумчини осон қўлга киритишни режалаштирмоқда. Кинг “Тоттенхэм”да асосий ҳужумчи Ҳарри Кейннинг ўринбосари бўлади.

Чемпионшипга тушиб кетган “Борнмут” ҳам катта маош оладиган футболчиларидан тезроқ қутилиш мақсадида уларни сотиб юборишга ҳаракат қилмоқда.