Моуриньони кутаётган АПЛ клуби номи маълум бўлди

“Фенербаҳче”ни бошқариб келаётган Жозе Моуриньо яна Англия Премьер-лигасида фаолият юритиш имконига эга бўлди.

Аввалроқ, португалиялик мутахассисни Англия Премьер-лигаси вакилларидан бири бош мураббийликка чақираётгани ҳақида хабарлар тарқатилган эди.

The Sun нашри тажрибали мураббийни “Эвертон” ҳамкорликка таклиф қилаётганини ёзмоқда. “Эвертон” жорий мавсумда лигада қолиш учун курашмоқда.

Моуриньо бунга қадар “Рома”, “Тоттенхэм”, “Манчестер Юнайтед”, “Челси”, “Реал”, “Порту”, “Лейрия” ва “Бенфика”да ишлаган.