Муроджон Аҳмадалиев чемпионлик камарини қўлга киритди
Океанортидаги рингларда муваффақиятли юришини давом эттираётган ҳамюртимиз Муроджон Аҳмадалиев АҚШнинг Калифорния штатида ўзининг навбатдаги жангини ўтказди.
10 раунд этиб белгиланган жангда боксчимиз чилилик Роман Контрерас рақиблик қилади. Бу боксчи профессионал рингда шу вақтга қадар 15 жангда ғалаба қозониб, 6 тасида мағлуб бўлган.
Мазкур жангда Муроджон ўз устунлигини намойиш этиб, муддатидан олдин рақибини мағлуб қилди ва WBА чемпионлик камарини қўлга киритди.
Эслатиб ўтамиз, Муроджон бу тўқнашувга қадар 3 та жанг ўтказиб, уларнинг барчасини ғалаба билан якунлаган.
Комментарии