МЮ "Барселона" футболчиси учун 80 миллион таклиф қилган

"Барселона" ярим ҳимоячиси Фермин Лопес фаолиятини "Манчестер Юнайтед"да давом эттириши мумкин.

Журналист Себастен Видалнинг маълум қилишича, инглиз гранди 22 ёшли футболчи учун "кўк-анорранглилар"га тахминан 80 миллион евро таклиф қилган. Манбага кўра, молиявий қийинчиликлар фонида "Барселона"га бундай таклифни эътиборсиз қолдириш осон эмас, гарчи Лопеснинг ўзи ҳали келажаги борасида бир қарорга келмаган бўлса-да.

Ўтган мавсумда каталонияликлар тарбияланувчиси барча турнирлар ҳисобида 46 та ўйинда майдонга тушиб, 8 та гол урди ва 10 та голли узатмани ўз ҳисобига ёздириб қўйди.

Аввалроқ, Лопес янги мавсум старти олдидан "Барселона"ни тарк этмоқчи эмаслигини маълум қилганди.